د هرات پولیس وایي، تېره ورځ د ګنج په سیمه کې پر پولیسو چاودنه وشوه.
د دغه ولایت د امنیه قومندانۍ ویاند عبدالاحد ولیزاده د شنبې په ورځ کلید ته وویل، په دې پېښه کې امنیتي سرتېرو ته زیان نه دی رسېدلی.
بلخوا، د هرات د حوزوي روغتون سرطبیب محمد عارف جلالي کلید ته وویل، له دې پېښې څخه دوه تنه ټپیان دوی ته ور وړل شوي دي.
په دې وروستیو کې د هېواد په بېلابېلو ولایتونو کې ورته پېښې ډېرې شوې دي.
تر اوسه وسله والو مخالفینو په دې اړه څه نه دي ویلي.
