د یاد ولایت د والي ویاند واحدالله جمعه زاده وایي، نیولو شوو کسانو په وسله والو او ترهګریزو کړنو کې لاس درلود.
هغه زیاتوي، دغو کسانو پر خپل جرم اعتراف کړی او د لا ډېرو څېړنو لپاره به عدلي او قضایي ارګانونو ته وپېژندل شي.
بلخوا، جمعه زاده دا هم وایي چې د بېلابېلو جنایي جرمونو په تور لس تنه نیول شوي دي.
هغه زیاتوي، نیول شوو کسانو په مختلفو جرمونو کې لاس درلود.
تر دې مخکې هم په غزني ولایت کې ګڼ شمېر کسان د جنایي او ترهګریزو کړنو په تړاو نیول شوي دي.
