دی زیاتوي، د سولې خبرې ځکه اوسمهال په ټپه ولاړې دي چې طالبان په هېواد کې سوله نه غواړي.
نوموړي یو ځل بیا پر وسله والو طالبانو غږ وکړ چې له جګړې لاس واخلي او د ستونزو د حل لپاره د خبرو لاره غوره کړي.
محب په ورته وخت کې د پاکستان له لوري له ده سره د اړیکو پرېکېدو په تړاو وویل، که اسلام اباد له افغانستان سره د ښو اړیکو غوښتونکی وي، نو باید له افغان وژنې او افغانستان ورانولو څخه لاس واخلي.
د یادولو وړ ده چې ټاکل شوې په نېږدې راتلونکي کې په ترکیه کې د افغانستان د سولې په تړاو غونډه وشي.
که څه هم دې غونډې ته طالبان او حکومتي مشران بلل شوي، خو طالبانو په یاده ناسته کې د ګډون لپاره نوي شرطونه وړاندې کړي دي.
