د دوی تر منځ په ترسره شوې کتنه کې د افغانستان د سولې پر مسله، د امریکایي سرتېرو د وتلو پر بهیر، سیمهییز امنیت او دوه اړخیزو اړیکو خبرې شوې دي.
بلخوا، د امریکا جمهور رییس جوبایډن ویلي، له افغانستان څخه د امریکایي سرتېرو تر وتلو وروسته هم په دغه هېواد کې د القاعده ډلې بیا فعالېدل د دوی تر څار لاندې دي.
دی ټینګار کوي چې د سرتېرو تر وتلو وروسته به افغانستان ته د القاعده ډلې له لوري جدي ګواښ پېښ نه شي.
خو په ورته وخت کې یې د راتلونګو ګواښونو د مخنیوي لپاره د تجهیزاتو چمتو کېدو خبر ورکړ.
امریکایي چارواکي پر داسې مهال دا څرګندونې کوي چې ټاکل شوې د سپټمبر میاشتې تر ۱۱مې ټول بهرني سرتېري افغانستان پرېږدي.
