د مصر ستر مفتي د افغانستان جګړه ناروا وبلله

نوموړي د خلکو پر شتمنیو بریدونه ستر ګناه یاده کړې او د داسې ګناه ترسره کوونکي یې په دې نړۍ او اخرت کې د سخت عذاب مستحق یاد کړي دي.
هغه د قرانکریم له ایاتونو څخه په استناد د یو انسان وژنه د ټول بشریت له وژنې سره مساوي بللې ده.
بهرنیو چارو وزارت د افغانستان د روانې جګړې ناروا بللو په تړاو د نړۍ د علماوو له دا ډول څرګندونو کلک ملاتړ اعلان کړی دی.
تر دې وړاندې هم د ګڼو هېوادونو علماوو او مذهبي ډلو د افغانستان روانه جګړه ناروا بللې ده.