د کابل ښاروالۍ څخه په خپره شوې خبرپاڼه کې راغلي دي، د کرونا وبا له خپریدو څخه د مخنیوي په موخه، د ودونو هوټل چې د یادې وبا د خپریدو عمده لامل شمیرل کیږي،تر راتلونکې یوې اونۍ پورې د ودونو د محلفونو د ریزرف حق نه لري.
له دې کبله د ودونو د هوټلونو ټولو مالکانو ته خبر ورکول کیږي، څو محفلونه تر راتلونکې یوې اونۍ د ودونو محفلونه ونه نیسي.
د کابل ښاروالۍ د ودونو هوټلونو مالکانو ته دا خبرداری داسې مهال ورکوي چې په دې وروستیو کې د روغتیا وزارت خبر ورکړ چې د کورونا ویروس د مثبتو پېښو شمېر زیات شوی او په هېواد کې کورونا وبا اوج ته نږدې شوې ده.
دوی خبرداری ورکړی چې د کابینې د دویم امر پورې به د ودونو د هوټلونو فعالیت بند وي.
د کابل ښاروالۍ په خپله خبرپاڼه کې همدارنګه له هېوادوالو غوښتي چې د کورونا ویروس د خپرېدو د مخنیوي لپاره روغتیایي سپارښتنې عملي کړي او ماسک وکاروي.
کلید ګروپ په ټویټر او فیسبوک کې وګورئ
