د دغه وزارت ویاند فواد امان کلید ته وویل، چې تېره شپه د کومانډو ځانګړو ځواکونو د بغلان ولایت مرکزي بغلان ولسوالۍ اړوند «نوروزک» کلي کې عملیات کړي دي چې په پایله کې یې د وسلوالو طالبانو له یوه زندان څخه د ۳۶ پوځیانو په ګډون، ۶۲ تنه ازاډ کړي دي.
د نوموړي په خبره طالبانو د زندان بندیان شکنجه کړي دي چې اوس یې رواني وضعیت د اندېښنې وړ دی.
دی زیاتوي د عملیاتو پر مهال د وسلوالو طالبانو د زندان څلور ساتونکي هم وژل شوي او زندان په زیاته اندازه چاودېدونکو توکو سره یوځای له منځه وړل شوی.
وسلوالو طالبانو تر اوسه په دې تړاو څه نه دي ویلي.
کلید ګروپ په ټویټر او فیسبوک کې وګورئ
