له دې ادارې څخه په خپره شوې خبرپاڼه کې لیکل شوي، د فاریاب ولایت د ولسونو په غوښتنه او د ستونزو د حل په هدف د فاریاب ولایت مالي او اداري مرستیال عبدالمقیم راسخ د فاریاب ولایت د نوي سرپرست والي په توګه ټاکل شوی دی.
تر دې وړاندې داوود لغمانی د فاریاب د والي په توګه ټاکل شوی و.
د فاریاب د والي په توګه د هغه له ټاکل کېدو سره په دغه ولایت کې تر پرون پورې لاریونونو دوام درلود او د والي د ګوښه کېدو غوښتنه یې کوله.
لاریون کوونکو حکومت ته وړاندیز کړی و، څو د فاریاب لپاره داسې والي وټاکي چې د خلکو له ملاتړه برخمن وي.
