د دغه وزارت ویاند طارق ارین وایي، یوې مېرمن پر ځان پورې چاودېدونکي توکي تړلي وو او غوښتل یې چې د فاریاب ولایت په قیصار ولسوالۍ کې پر امنیه قومندانۍ برید وکړي.
د ارین په وینا، دا ځانمرګي برید ته چمتو شوې مېرمن هدف ته تر رسېدو وړاندې په نښه شوې او وژل شوې ده.
دی زیاتوي چې له ځانمرګې بریدګرې سره درې طالبان هم وژل شوي او درې نور ټپیان شوي دي.
که څه هم امنیتي مسولین دا مېرمن پر طالبانو پورې اړونده بولي، خو دې ډلې تر اوسه په دې اړه غبرګون نه دی ښودلی.
د یادولو وړ ده چې تر دې وړاندې هم د هېواد په بېلابېلو برخو کې د ګڼو ځانمرګو بریدونو مخه نیول شوې ده.
