د دغه ولایت د والي ویاند واحدالله جمعه زاده وایي، پرون د غزني ولایت د اب بند ولسوالۍ د تودې چینې په سیمه کې یو فلډر موټر له سړک څخه غورځېدلی دی.
هغه زیاتوي، په دې پېښه کې یوه ځوانه مېرمن وژل شوې او دوې ښځې او یو سړی پکې ټپیان شوي دي.
د جمعه زاده په وینا، دا کسان د غزني د مقر ولسوالۍ اوسېدونکي وو او په خبره یې، ټپیان اوسمهال روغتون ته وړل شوي او هلته تر درملنه لاندې دي.
دا په داسې حال کې ده چې ډېر کله د سړک خرابوالی او د موټر چلوونکو بې احتیاطي د ورته پېښو د رامنځته کېدو لامل کېږي.
