د مالیې وزیر تر دې وړاندې ویلي وو، د هېواد په ګمرکونو کې هر ورځ اته میلیونه ډالر حیف میل کېږي.
د ولسي جرګې رییس میر الرحمن رحماني د نن ورځې په عمومي غونډې کې د دې جرګې دارلنشاء ته دنده وسپارله چې د مالیې له وزیر سره خبرې وکړي او په راتلونکو ورځو دې جرګې ته حاضر شي.
هغه د مالیې له وزیر وغوښتل چې په ګمرکونو کې د فساد کوونکو نومونه په ډاګه کړي.
تر دې وړاندې جمهور رییس محمد اشرف غني هم پخپلو خبرو کې ویلي چې د افغانستان د ګمرکونو ۵۰ فیصده عایدات شخصي جېبونو ته ځي.
دا په داسې حال کې ده چې حکومت تل په هېواد کې له فساد سره پر مبارزې ټینګار کړی.
