د امریکا د بهرنیو چارو وزارت وایي، چې د دغه وزارت وزیر انتوني بلینکن د ټلیفوني اړیکې له لارې له خپل ترکي سیال چاوش اوغلو سره د افغانستان په ګډون پر یو شمېر بېلابېلو موضوعاتو غږېدلی دی.
په ورته مهال د امریکا د بهرنیو چارو وزارت ځانګړي استازي زلمي خلیلزاد د اندونيزيا د بهرنيو چارو له وزيرې سره پر افغان سوله خبرې کړې دي.
د اندونیزیا د بهرنیو چارو وزیرې پر خپله ټوېټر پاڼه لیکلي، چې هېواد یې د افغانستان د سولې له پروسې ملاتړ کوي او په دې برخه کې هر ډول همکاریو ته ژمن دي.
ټاکل شوې وه، چې د روان کال په اپریل میاشت کې په ترکیه کې د افغانستان سولې په تړاو یوه غونډه ترسره کړې وای، خو د طالبانو د نه ګډون له کبله تر اوسه ځنډېدلې ده.
کلید ګروپ په ټویټر او فیسبوک کې وګورئ
