د یاد ولایت د چاپېریالي صحت امر وحیدالله لودین پرون ناوخته کلید ته وویل، د دې ادارې د نظارت پر اساس، له روان مالي کال راهیسې تر اوسه اووه ټنه بې کیفیته توکي راټول شوي چې یوازې د روژې په میاشت کې ۶۰۰ کیلوګرامه له وخته تېره خرما راټوله شوې ده.
د چاپېریالي صحت امر ټینګار کوي چې په دغه ولایت کې پر خوراکي او نورو توکو د دوی څار دوام لري او له سرغړوونکو سره به قانوني چلند وشي.
دا په داسې حال کې ده چې د هېواد بازارونو ته له معیارونو پرته د خوراکي توکو پر رالېږد نیوکې کېږي او هېوادوال یې له مسولینو د مخنیوي غوښتنه کوي.
