د هغوی په وینا، د ۱۴۰۰ لمریز کال د کانکور په ازموینه کې تر ۵۰ فیصده ډېرو نجونو ګډون کړی او پاتې یې هلکان دي.
د دغه پوهنتون رییس ډاکتر خلیل الله کلیوال پرون کلید ته وویل، په روان کال کې ۱۴ زره او ۸۸۶ تنو د کانکور ازموینې لپاره نوم لیکنه کړې چې ۱۴ زره یې بایومټریک شوي دي.
دی زیاتوي چې د کانکوز ازموینه تېره ورځ پیل او تر درېیو ورځو به دوام وکړي.
د بلخ پوهنتون ۱۶ پوهنځي لري، سږ کال د شپږ زره محصلینو د جذب ظرفیت لري او په دوو پوهنځیو کې د ماسټرۍ په کچه هم زده کړې ترسره کېږي.
