د دغه وزارت ویاند روح الله احمدزی وایي، په تېرو ۲۴ ساعتونو کې د هېواد په بېلابېلو ولایتونو کې د افغان سرتېرو له لوري پر طالبانو هوایي او ځمکني بریدونه ترسره شوي دي.
د نوموړي په خبره، په دغو بریدونو کې ۱۷۶ طالبان وژل شوي او ۱۱۲ نور ټپیان شوي دي.
احمدزی زیاتوي چې طالبانو ته دغه مرګ ژوبله په میدان وردک، ننګرهار، غزني، لوګر، خوست، زابل، کندهار، غور، بادغیس، فراه، هرات، بلخ، بدخشان، کندز، هلمند، بغلان او کابل ولایتونو کې اوښتې ده.
طالبانو تر اوسه په دې اړه رسنیو ته څه نه دي ویلي.
د یادولو وړ ده چې تېره ورځ هم د افغان سرتېرو په بریدونو کې د لسګونه طالبانو د وژل کېدو ادعا شوې وه.
