د دغه وزارت ویاند روح الله احمدزي رسنیو ته په رالېږلي ویډیویي پیغام کې ویلي چې له دې ولسوالۍ څخه افغان سرتېرو لنډمهاله تکتیکي شاتګ کړی او په وینا یې، د طالبانو له لوري نه ده سقوط شوې.
دی زیاتوي، افغان سرتېري اوس هم هملته شتون لري او په نښتو کې طالبانو ته درنه مرګ ژوبله اوښتې ده.
تر دې وړاندې ځایي سرچینو رسنیو ته ویلي وو چې نن سهار مهال دا ولسوالي د طالبانو له لوري سقوط شوه.
طالبانو هم د لغمان د دولت شاه ولسوالۍ د نیولو خبر ورکړی.
د دې ډلې ویاند ذبیح الله مجاهد پر خپل ټوېټرپاڼه لیکلي، نن سهار مهال د یادې ولسوالۍ له امنیه قومندانۍ او ټولو سیمو پولیس تښتېدلي او ګڼې وسلې طالبانو ته په لاس ورغلې دي.
