له ارګ څخه په خپره شوې خبرپاڼه کې راغلي چې جمهور رییس غني پرون مازدیګر د افغانستان برېښنا شرکت له مسوولینو سره د لیدنې پر مهال دا خبره کړې ده.
خبرپاڼه زیاتوي چې جمهوررئیس غني وویل، په یاد شرکت کې باید کادري اصلاحات راشي، ترڅو د پروژو سرعت او موثریت زیات او خلکو ته په موقع برېښنا ورسېږي.
جمهوررییس د افغانستان برېښنا شرکت کې د سیستمونو پر ډیجیټلي کولو ټینګار وکړ وې ویل، د برېښنا هره پروژه باید واضح پلان، حرکت او ځواب ویونکی مسوول ولري ترڅو خلکو ته د برېښنا رسېدو لپاره لازم اقدامات وشي.
دا په داسې حال کې ده چې وخت نا وخت افغانستان ته د وارداتي برېښنا پایې د نامعلومه وسلوالو لخوا په بمونو اولوزول کېږي چې له کبله یې د هېواد پر یو شمېر ولایتونو برېښنا پرې شوې او خلک له حکومته غواړي چې یادې ستونزې د حل لپاره دایمي کار وکړي.
کلید ګروپ په ټویټر او فیسبوک کې وګورئ
