د دغه ولایت د امنیه قومندانۍ ویاند عبدالشایق شورش کلید ته وویل، پرون ۱۱ بجې او ۳۰ دقیقې د افغان سرتېرو پر هغه کاروان ماین چاودنه وشوه چې له اله سای ولسوالۍ څخه د تګاب ولسوالۍ قورغل او عیسی خېلو سیمې ته خپل مرکز ته د راتګ په حال کې و.
په دې چاودنه کې د ملي اردو یو سرتېری وژل شوی، درې ټپیان او هاموي ټانګ یې له منځه وړل شوي دی.
دی زیاتوي، تر چاودنې وروسته طالبانو اوربند مات کړ او د ملا عوض او ملا مرتضی په نومونو دوو طالب مشرانو د افغان سرتېرو پر پوسته برید وکړ، چې تر ناوخته یې دوام درلود.
په ورته وخت کې د ارزګان مرکز ترینکوټ اړوند په خانقا سیمه کې هم د طالبانو له لوري د اوربند ماتېدو خبر ورکړل شوی.
د دغه ولایت امنیتي چارواکي وایي، په همدې سیمه کې د طالبانو په برید کې د ملي اردو یو سرتېری وژل شوی دی.
دا په داسې حال کې ده چې نن د افغان حکومت او طالبانو له لوري د اعلان شوي اوربند درېیمه ورځ ده.
طالبانو تر اوسه په دې اړه څه نه دي ویلي.
