د دغه ولایت د امنیه قومندانۍ ویاند زمان همدرد د شنبې په ورځ کلید ته وویل، په دغه ښوونځي کې سلګونه هلکانو او نجونو زده کړې کولې چې تر دې وروسته له زده کړو بې برخې شول.
تر اوسه معلومه نه ده چې ښوونځی د چا له لوري سوزول شوی او د یاد ولایت د پوهنې ریاست له خوا هم دا مسله تایید شوې ده.
د هلمند د پوهنې رییس داود شاه صفاري بیا کلید ته وویل چې په همدې سیمه کې په یو کرایي کور کې د ښوونځي څو فرشونه سوزل شوي دي.
تر دې وړاندې هم د هېواد په بېلابېلو برخو کې ورته پېښې رامنځته شوې دي.
