له ارګ څخه په خپره شوې خبرپاڼه کې راغلي چې جمهوررئیس غني، د مخکېني جمهوررئیس حامد کرزي په کور کې له نوموړي او د حزب اسلامي ګوند مشر ګلبدین حکمتیار سره په کتنه کې د ملي اجماع د پیاوړتیا او د پایداره او عادلانه سولې په اړه د یادو مشرانو مشورې واورېدې او د راتلونکو اقداماتو په اړه یې ورسره خبرې وکړې.
دا په داسې حال کې ده چې جمهور رییس غني تېره ورځ له طالبانو وغوښتل چې په لویه جرګه کې له افغانانو سره د خبرو لپاره حاضر شي او د یو بل په منلو سره دې روانه جګړه پای ته ورسوي.
کلید ګروپ په ټویټر او فیسبوک کې وګورئ
