جمهور رییس غني په یوې ویډیوي پیغام کې د پېښې د غندلو ترڅنګ د قرباني شویو کسانو کورنیو ته د تسلیت مراتب وړاندې کړل او یاده پېښه یې له ټولو اسلامي اصولو خلاف او د بشريت ضد جنایت وباله.
جمهور رییس غني همداراز وویل چې د وژل شویو او ټپيانو له کورنیو سره به نغدي مرستې وشي او هم به د دشت برچي د سیمې د خلکو د امنیت لپاره د سیمې له خلکو په سلا مشورې وشي.
د کورنیو چارو وزارت د معلوماتو له مخې د کابل دشتی برچي سیمه کې د خونړي برید له کبله تر ۵۰ ډېر ملکي وګړي او د ښوونځي زده کوونکي ووژل او ۱۰۰ نور ټپیان شوي دي.
که څه هم افغان حکومت دا د وسله والو طالبانو کار بولي، خو دې ډلې شوی برید محکوم کړی او خپل لاس درلودل یې پکې رد کړي دي، خو بلې ډلې هم د برید مسوولیت نه دی منلی.
کلید ګروپ په ټویټر او فیسبوک کې وګورئ
