د یاد ولایت د امنیه قومندانۍ ویاند عبدالشایق شورش د شنبې په ورځ کلید ته وویل، پرون ناوخته د کاپیسا ولایت په نجراب ولسوالۍ کې د سخت باران له کبله پر یوې کورنۍ د کوټې چت رالوېدلی، چې اووه تنه پکې وژل شوي دي.
د هغه په وینا، ټول وژل شوي کسان د یوې کورنۍ غړي دي، چې ښځې او ماشومان هم پکې شامل دي.
دا په داسې حال کې ده چې په دې وروستیو کې د هېواد په بېلابېلو برخو کې په طبیعي پېښو او سېلابونو کې د ګڼو کسانو د مرګ ژوبلې خبر ورکړل شوي دی.
