له دغه شرکت څخه په خپره شوې اعلامیه کې راغلي چې نن سهار څلور او ۴۵دقیقې د کابل په کلکان ولسوالۍ کې د وارداتي برېښنا پر دوو ستنو ځای پر ځای شویو ماین چاودنو له کبله د کابل په ګډون د هېواد یو شمېر ولایتونو کې برېښنا قطعه شوې ده.
بل لور ته یوه سرچېنه وایي، په سیمه کې د برېښنا یوې بلې پای ته هم ماین ځای پر ځای شوی دی چې د ملي اردو د انجنیری ټیم لخوا یې د شنډولو هڅې روانې دي.
په همدې حال کې د برېښنا شرکت وایي، هرکله چې سیمه له ماین څخه پاکه شي نو د دوی تخنیکي ډله به ژر خپل کار پیل کړي او یاده ستونزه به هواره کړي.
تر اوسه معلومه نه ده چې دا ماینونه د چا لخوا ځای پرځای شوي دي.
کلید ګروپ په ټویټر او فیسبوک کې وګورئ
