د دغه وزارت مرستیال ویاند فواد امان کلید ته وویل، افغان ځواکونو تېره ورځ د هلمند ولایت مرکز لښکرګاه اړوند بشران او بولان سیمو کې عملیات ترسره کړي دي چې په پایله کې ۲۴ تنه طالبان وژلي دي او ۱۵تنه نور یې ټپیان کړي دي.
د نوموړي په خبره افغان ځواکونو همدارنګه د هلمند د نهر سراج ولسوالۍ او ۵۰۱ لمبر اوږدې لارې اړوند سیمو کې هم وسلوال طالبان په نښه کړي دي چې په ترڅ کې ۱۹ تنه طالبان وژل شوي او ۴ تنه نور یې ټپیان شوي دي.
دی زیاتوي افغان ځواکونو د عملیاتو په پایله کې د وسلوالو طالبانو یوه اندازه وسلې او مهمات هم له منځه وړي دي.
وسلهوالو طالبانو بیا په دې تړاو تبصره نه ده کړې.
کلید ګروپ په ټویټر او فیسبوک کې وګورئ
