د امنیه قومندانۍ ویاند فردوس فرامرز وایي، پرون دوې بجې او ۳۵ دقیقې د لومړۍ ناحیې اړوند د شور بازار په سیمه کې ناپېژندو وسله والو پر درېیو امنیتي منسوبینو برید کړی.
د هغه په وینا، په دې پېښه کې د عبدالقهار، محمد اصف او محمد طاهر په نومونو درې امنیتي منسوبین وژل شوي دي.
دی زیاتوي چې دا پېښه د امنیتي چارواکو تر څېړنو لاندې ده.
تر اوسه د برید مسولیت کومې وسله والې ډلې نه دی منلی.
تر دې وړاندې هم په هدفي بریدونو کې ګڼ شمېر کسانو خپل ژوند له لاسه ورکړی دی.
