د جمهور رییس په وینا، سوله د ټولو افغانانو بنسټیز حق دی او په خبره یې، طالبان باید پر دې پوه شي چې د بهرنیو سرتېرو تر وتلو وروسته ملي تصمیمونه یوازې دولت او افغان ولس نیولی شي.
ده څرګنده کړه چې افغان ولس سوله غواړي او زیاتوي، هغه کسان چې سوله نه غواړي، حکومت د هغوی پر وړاندې بشپړ چمتوالی لري.
جمهور رییس پر داسې مهال دا څرګندونې کوي چې څلور ورځې وړاندې له افغانستان څخه د بهرنیو سرتېرو وتلو لړۍ پیل شوه او ټاکل شوې چې د امریکا او ناټو د نوې پرېکړې له مخې د سپټمبر تر ۱۱مې ټول بهرني سرتېري افغانستان پرېږدي.
