نوموړي پر خپله ټوېټر پاڼه لیکلي چې امریکا متحده ایالت له ۲۰۰۱ کال راهیسې په افغانستان کې د ژورنالېستانو د روزلو لپاره ۱۵۰ میلیونه ډالر مرسته کړې ده.
ویلسون د مطبوعاتو د آزادۍ نړیوالې ورځې په مناسبت له افغانانو غوښتي چې د تېرو دوو لسیزو لاسته راوړنې او په ځانګړې توګه د رسنیو ودې ته پاملرنه وکړي.
راس ویلسون همدارنګه افغان خبریالان وړ، تېز او باستعداد یاد کړي دي او ویلي دي چې دوی خپل چارواکي محاسبه کوي او حقایق ولس ته وړاندې کوي.
دا په داسې حال کې ده چې د مې میاشتې درېیمه نېټه د مطبوعاتو د ازادۍ نړیواله ورځ ده چې دا ورځ په ټوله نړۍ کې د رسنیو د ازادۍ په هدف لمانځ کېږي.
کلید ګروپ په ټویټر او فیسبوک کې وګورئ
