د هغې په وینا، په دې ناسته کې د افغانستان د سولې پر پروسې او په دې پروسه کې د سیمې د هېوادونو د رول په هکله خبرې وشوې.
نوموړې زیاتوي، د ترویکا پلس غړو هېوادونو استازو د سولې له بهیر څخه خپل ملاتړ اعلان کړ او د دغه بهیر د ګړندي کولو غوښتنه یې وکړه.
په ورته وخت کې طالبان هم د دوی د مشرانو، امریکا، روسیې، چین او پاکستان د استازو تر منځ د پنځه اړخیزې ناستې جوړېدو خبر ورکوي.
د دې ډلې د قطر دفتر ویاند ډاکتر محمد نعیم وایي، دا ناسته پرون مازدیګر مهال ترسره شوه چې پکې له تور لېست څخه د طالب مشرانو او غړو د نومونو پر ايستلو، د پاتې بنديانو پر خلاصون، روان وضعيت او د سولې اړوند بحثونه وشول.
هغه زیاتوي، ټولو خواوو اجماع وکړه چې د تور لېست په ختمولو او پای ته رسولو عملي کار پيل شي.
دا کتنه داسې مهال ترسره کېږي چې له ډېرې مودې راهیسې د سولې مرکچي پلاویو تر منځ کتنه نه ده شوې او په ورته وخت کې تاوتریخوالی هم اوج ته رسېدلی دی.
