د دغه وزارت ویاند طارق ارین وایي، تېره شپه د بغلان ولایت د خنجان ولسوالۍ په ولیان دره کې طالبانو پر هغو ملکي وګړو برید کړی چې تر لمانځه وروسته له مسجد څخه بېرون ته راوتلی وو.
د ده په وینا، په دې پېښه کې اووه ملکي وګړي وژل شوي او په خبره یې، په وژل شوو کې دوه ماشومان هم شامل دي.
ارین زیاتوي، پولیسو په سیمه کې شتون درلود او وسله وال یې هم له منځه وړي دي.
تر اوسه طالبانو په دې اړه غبرګون نه دی ښودلی.
