د افغانستان لپاره د روسیې هېواد ځانګړی استازی ضمیر کابلوف د ټاس خبري اژانس ته دا خبره کړې ده.
د سرچېنې په وینا په دغه کنفرانس کې به د افغانستان د سولې پر مسئله، اوسني امنیتي حالت او ورته نورو مسایلو د څلورو هېوادونو استازي بحث وکړي.
دا په داسې حال کې ده چې مسکو د تېر ۱۳۹۹لمریز کال د کب میاشتې پر ۲۸مه نېټه د افغان سولې لپاره یو غونډه جوړه کړې وه چې د افغان حکومت، طالبانو د سیمې او نړۍ هېواودنو یو شمېر استازو پکې برخه اخېستې وه.
په هغه کنفرانس کې د افغان سولې خبرو په چټکېدو، د دوحې د خبرو پر پیاوړتیا، د تاوتریخوالي پر کمېدو، د یو خپلواک او له تروریزم څخه پر پاک افغانستان بحث او خبرې شوې وې.
کلید ګروپ په ټویټر او فیسبوک کې وګورئ
