د امنیه قومندانۍ ویاند فردوس فرامرز د پنجشنبې په ورځ کلید ته وویل، نن ۱۲ بجې او ۳۵ دقیقې د درېیمې ناحیې اړوند د کارته چهار په سیمه کې ناپېژندو وسله والو پر پولیسو برید کړی.
د هغه په خبره، په دې پېښه کې یو پولیس وژل شوی او یو بل ټپی شوی دی.
دی زیاتوي چې د پېښې انګېزه معلومه نه ده او په تړاو یې څېړنې روانې دي.
د یادولو وړ ده چې په دې وروستیو کې هدفي وژنو او وسله والو بریدونو هېوادوال سخت اندېښمن کړي دي.
