دغه لاریونونه له شپږو ورځو راهیسې اسلام ته د فرانسې له خوا د تېر کال د سپکاوي له امله د پاکستان د «تحریک لبیک» ګوند له لوري پیل شوي او د پاکستان له حکومت غوښتنه کوي چې په دغه هېواد کې د فرانسې سفیر له هېواده وشړي.
د پاکستان حکومت تر دې وړاندې د یاد ګوند له پلویانو سره ژمنه کړې وه چې د فرانسې سفیر به له هېواده شړي، خو د دغه ګوند په وینا، حکومت ورسره په کړه ژمنه عمل نه دی کړی.
دوی زیاتوي، تر هغه به لاریونونو ته دوام ورکړي چې د فرانسې سفیر له اسلام باده نه وي شړل شوی.
