د دغه ولایت والي ضیاالحق امرخېل پر خپل ټوېټرپاڼه لیکلي، تېره شپه د جلال اباد ښار د نهمې ناحیې اړوند د نغلو سراچه علیخان په سیمه کې د تراویح د لمانځه پر مهال د عبدالوهاب د کورنۍ اته غړي په وسله وال برید کې وژل شوي دي.
دی زیاتوي، په وژل شوو کې پنځه د نوموړي زامن او درې یې ورېرونه دي.
د امرخېل په وینا، لومړني معلومات ښيي چې پېښه د شخصي ځمکې پر سر د شخړو له امله رامنځته شوې ده.
تر دې وړاندې هم په ورته پېښو کې مرګ ژوبله رامنځته شوې ده.
