په خبرپاڼه کې زیاته شوې چې شنکر افغان لوري ته په هېواد کې د سولې د ټینګښت په هدف د هند د فعالې ونډې ډاډ ورکړی.
اتمر تر دې وړاندې په کابل کې د امریکا سفارت له شارژدافیر راس وېلسن سره هم کتلي وو.
د بهرنیو چارو وزارت په یوه بله بیانیه کې وايي، ښاغلي وېلسن اتمر ته د امریکايي ځواکونو له وتلو وروسته له افغان امنیتي ځواکونو سره د مرستو او همداراز په پراختیايي او بشري برخو کې د متحده ایالاتو د مرستو د دوام ډاډ ورکړ.
دواړه لوري پر داسې مهال ټلیفوني خبرې کوي چې ټاکل شوې د ناټو او امریکا د نوې پرېکړې له مخې د روان میلادي کال د سپټمبر تر ۱۱مې ټول بهرني سرتېري له افغانستان څخه ووځي او د افغانستان، امریکا او ناټو تر منځ به د اړیکو نوی څپرکی پرانیستل شي.
