هغه پرون شپه ناوخته په ارغندۍ سیمه کې د امنیتي حالت ارزولو پر مهال پولیسو ته دا امر کړی دی.
ده زیاته کړې چې له قانون ماتوونکو ډلو سره باید په جدي ډول قانوني چلند وشي.
د کورنیو چارو د سرپرست وزیر په وینا، په هغه صورت کې چې امنیتي منسوبین او خلک له امنیتي ګواښ سره مخ کېږي، افغان ځواکونه پر هغوی د ډوز حق لري او وزارت یې کلک ملاتړ کوي.
نوموړی پر داسې مهال د کابل دروازو او په ارغندۍ سیمه کې د امنیتي حالت ارزونه کوي چې تر دې وړاندې په یاده سیمه کې څو ځلې پر امنیتي سرتېرو او دولتي چارواکو وسله وال بریدونه شوي دي.
