هغه د جمهور رییس جوبایډن د هغې پرېکړې هرکلی کړی چې د سپټمبر پر ۱۱مه به امریکایي سرتېري افغانستان پرېږدي.
ده زیاته کړې چې د سپټمبر میاشتې تر ۱۱مې وروسته هم د دوی ماموریت پایته نه رسېږي او له افغانستان سره به ډیپلوماټیکو، بشردوستانه مرستو او د افغان پوځیانو د معاشو جاري ساتلو ته دوام ورکړي.
د هغه په وینا، دا هر څه د دې لپاره دي چې افغانستان یو ځل بیا د ترهګرو په ځاله بدل نه شي.
اندېښنې دا دي چې که بهرني سرتېري له افغانستان څخه ووځي، افغان سرتېري به په یوازې توګه له هېواد څخه د دفاع وړتیا ونه لري.
خو افغان چارواکي بیا څرګندوي چې سرتېري یې له هېواد څخه د پوره ساتنې وړتیا لري.
