د دغه وزارت ویاند طارق ارین وایي، په همدې موده کې د یادې ډلې په ماین چاودنو کې ۶۰ ملکي وګړي وژل شوي او د ښځو او ماشومانو په ګډون ۱۶۴ نور ټپیان شوي دي.
د ارین په وینا، د ملکي وګړو د وژنې دا شمېر ښيي چې د تېر کال په پرتله د ملکي وګړو مرګ ژوبله ډېره شوې ده.
نوموړی زیاتوي، پر دې سربېره چې طالبانو له امریکا سره اوربند اعلان کړی، خو د ملکي وګړو وژلو ته دوام ورکوي.
طالبانو که څه هم تر اوسه په دې اړه غبرګون نه دی ښودلی، خو تر دې وړاندې یې د ملکي وګړو وژل او ټپي کول رد کړي دي.
