د دغه وزارت ویاند طارق ارین د پنجشنبې ورځ یوې خبري غونډې ته د وینا پر مهال وویل چې یادې ډلې نور غړي هم شته چې د نیولو لپاره یې پولیسو هڅې پیل کړې دي.
طارق ارین وایي، چې په دغه ډله کې د یما سیاوش او رشید یوسف قاتلین هم شامل دي.
ارین په خبره دا ډله د وسلوالو طالبانو غړي دي چې په هدفي وژنو، ماین چاودنو او نورو تروریستي پېښو کې یې په مستقیم ډول لاس درلود.
د نوموړي په وینا قاري صبور، قاري عبدالرحمن، محمد ناصر، محمود، عوض خان، بشیر، رفیق الله، حکمت الله، نوریالی او ذبیح الله هغه کسان دي چې د کابل ولایت په بېلابېلو برخو کې د هدفي وژنو او نورو تروریستي پېښو کې یې مستقیم لاس درلود.
وسلوالو طالبانو تر اوسه د کورنیو چارو وزارت ویاند څرګندونو ته کوم غبرګون نه دی ښودلی خو تر دې وړاندې یې ویلي و چې دوی په هدفي وژنو کې لاس نه لري.
کلید ګروپ په ټویټر او فیسبوک کې وګورئ
