له دغه وزارت څخه په خپره شوې اعلامیه کې راغلي، که څه هم د طالبانو د تېرې ورځې برید مالي او ځاني زیان نه لري، خو د طالبانو له لوري دا ډول بریدونه کولی شي د سولې لپاره رامنځته شوی فرصت له خنډ سره مخ کړي.
په اعلامیه کې د کندهار پر هوایي ډګر د وسلوالو طالبانو برید غندل شوی او دا یې د سولې پروسې پر واړاندې یو ګواښ بللی.
وسلوالو طالبانو د یاد برید مسوولیت منلی دی، خو د امریکا دفاع وزارت اعلامیې په تړاو یې څه نه دي ویلي.
دا په داسې حال کې ده چې تېره اونۍ وسلهوالو طالبانو په خوست ولایت کې د ګډو ځواکونو یوه اډه په نښه کړه د ځایي چارواکو په وینا یو راکټ مرکز ته څیرمه د استوګنې په کور ولګید او اوه تنه پکې ټپیان شول.
کلید ګروپ په ټویټر او فیسبوک کې وګورئ
