د امنیه قومندانۍ ویاند فردوس فرامرز وایي، نن سهار شپږ بجې ترهګرو د کابل ښار د درېیمې ناحیې اړوند د کارته سه په سیمه کې د یو کور مخې ته مقناطیسي ماین ځای پر ځای کړی و.
فرامرز زیاتوي، دغه ماین تر چاودنې وړاندې د امنیه قومندانۍ د انجینرۍ ټیم له لوري شنډ شوی دی.
تر اوسه وسله والو مخالفینو په دې اړه غبرګون نه دی ښودلی.
تر دې وړاندې هم په کابل ښار او ولایتونو کې د ګڼو ماین چاودنو مخه نیول شوې، خو په یو شمېر نورو کې بیا امنیتي مسولین او ملکي وګړي په نښه شوي دي.
