نوموړي د شنبې په ورځ خبري کنفرانس ته وویل، د افغان حکومت مذاکره کوونکی پلاوی په دوحه کې د دې ناستې د اجنډا پر څرنګوالي له ښکېلو لورو سره په خبرو بوخت دی، څو په دې برخه کې یوې هوکړې ته ورسېږي.
ده څرګنده کړه چې د سولې طرحې په تړاو اوس هم خبرې روانې دي او په دې برخه کې یوې پایلې ته د رسېدو هڅې کېږي.
که څه هم تر اوسه د ترکیې د غونډې کره نېټه نه ده په ډاګه شوې، خو ویل کېږي چې په راتلونکو اونیو کې به دا ناسته ترسره شي.
