د دې شورا غړي عطاالرحمن سلیم رسنیو ته دا خبره کړې ده.
هغه زیاته کړې، د مصالحې شورا ۱۵ کسیزه کمېټه به پر دغه لیدلوري بحث وکړي او د دوی تر هوکړې وروسته به دا طرحه د حکومت له خوا د ترکیې په غونډه کې مطرح شي.
په دې کمېټه کې د دې شورا پر نور غړو سربېره، پخوانی جمهور رییس حامدکرزی، د ملي امنیت سلاکار حمدالله محب، د بهرنیو چارو وزیر حنیف اتمر او عطامحمد نور هم شتون لري.
که څه هم د استانبول د غونډې کره نېټه نه ده په ډاګه شوې، خو تر دې وړاندې د ترکیې د بهرنیو چارو وزارت په اپرېل میاشت کې د یادې غونډې ترسره کېدو خبر ورکړی و.
تمه ده چې تر راروانو څو اوونیو افغان حکومت، سیاستوال او طالب مشران د ترکیې په جوړېدونکې غونډه کې ګډون وکړي.
