په افغانستان کې د ملګرو ملتونو د سیاسي دفتر مشره دیبورا لاینز دوحې ته تللې او ټاکل شوې د افغان دولت او طالبانو د مذاکراتي ټیمونو له استازو سره وګوري.
دا په داسې حال کې ده چې ټاکل شوې د همدې اپریل میاشتې په اوږدو کې د افغانستان سولې لپاره په ترکیه کې د افغان حکومت، طالبانو او د سیمې او نړۍ د استازو په ګډون یوه ځانګړې ناسته جوړه شي.
یادې ناستې ته افغان حکومت او طالبانو د ګډون لپاره چمتوالی ښودلی دی او تمه لري چې د انقرې ناسته به افغانستان یوې پایداره سولې ته ورسوي.
کلید ګروپ په ټویټر او فیسبوک کې وګورئ
