د سې شنبې ماښام د هرات ـ کندهار پر لویه لار یو عراده فلانکوچ موټر د تېز رفتارۍ له کبله ترافیکي پېښه کړې ده چې په ترڅ کې پنځو تنو ته یې مرګ ژوبله اړولې ده.
د هرات د امبولانس مسوول ابراهیم محمدي وایي، په پېښه کې دوه تنه وژل شوي او درې نور ټپیان شوي دي چې ټپیان په روغتون کې تر درملنې لاندې دي.
د نوموړي په خبره په وژل شویو کې یوه مېرمن شامله ده.
دا په داسې حال کې ده چې دوه ورځې وړاندې هم په دغې لار د یوې ترافیکي پېښې له کبله له لسو زیاتو کسانو ته مرګ ژوبله اوښتې وه.
کلید ګروپ په ټویټر او فیسبوک کې وګورئ
