له دغه وزارت څخه په خپره شوې خبرپاڼه کې لیکل شوي، له بند څخه د طالبانو یو ازاد شوي غړي په بغلان ولایت کې یو ځل بیا د وسلو قاچاق پیل کړی و چې د افغان سرتېرو له لوري ونیول شو.
خبرپاڼه زیاتوي، نوموړی تر خوشي کېدو وروسته بیرته له طالبانو سره یوځای شوی و او د وسلو لېږد مسولیت یې پر غاړه درلود.
په خبرپاڼه کې راغلي، نوموړي غوښتل چې ۱۳ میله تفنګچې او یو میل کلاشینکوف کندز ولایت ته ولېږدوي، چې د عملیاتو په پایله کې نیول شوی دی.
تر اوسه طالبانو په دې اړه څه نه دي ویلي.
تر دې وړاندې هم د جګړې لیکو ته د ازادو شوو طالبانو د بیرته تګ خبرونه ورکړل شوي دي.
