د خوست امنیه قومندان پاسوال محمد داود امین کلید ته په یوه لیکلي پیغام کې وویل په چاودنه کې ۲ تنه یې دملي امنیت سرتیري او پاتې ۱۴ هغه یې ملکي وګړي دي.
د قومندان په وینا چې په ټپیانو کې د دوو هغو روغتیايي وضعیت د ډاډ وړ نه دی او د پاتې نورو یې وضعیت ښه دی.
په ورته مهال د خوست د ملکي روغتون مشر ډاکټر سید انور کلید ته وويل دوی ته د پېښې له ځايه ۷ ټپيان ور وړل شوي، چې له ظاهري بڼې ټول ملکيان معلوميږي.
بل پلو په خوست ښار کې د بابري ګل کمکي معالجوي کلينيک يو تن موظف ډاکټر څمکنیوال کلید ته وویل چې د يادې چاودنې څخه د يو نظامي په ګډون ۹ ټپيان ور وړل شوي، چې روغتيايي حالت يې د ډاډ وړ ښودل شوی.
امنيتي چارواکي وايي، چاودنه د ملي امنيت سرتېرو په هغه رينجر موټر شوې، چې دغه ولايت کې له جمهوريت څخه د دفاع په موخه د جوړې شوې غونډې د امنيت د ټينګښت په موخه ګومارل شوي وو.
تراوسه د چاودنې په تړاو کومې وسله والې ډلې څه نه دي ویلي.
کلید ګروپ په ټویټر او فیسبوک کې وګورئ
