د دغه ولایت د ولایتي شورا رییس عطاالله افغان کلید ته وویل، تېر ماښام یو قومي مشر حاجي غلام جان اکا په لښګرګاه ښار کې د نهرسراج هډې ته څېرمه د ناپېژندو وسله والو په برید کې ووژل شو.
نوموړی وایي، دغه قومي مشر په هلمند کې نفوذي سړی و او د خلکو ملاتړ یې له ځان سره درلود.
د دغه ولایت له مطبوعاتي دفتر څخه هم په خپره شوې خبرپاڼه کې د یاد قومي مشر وژل کېدل تایید شوي دي.
خبرپاڼه وایي، بریدګر له سیمې په تېښته بریالي شوي او په دې اړه د دوی څېړنې روانې دي.
تر اوسه د برید پړه کومې وسله والې ډلې نه ده منلې.
تر دې وړاندې هم په ګڼو بریدونو کې ملکي وګړي او قومي مشران په نښه شوي دي.
