د ملي امنیت اړوند له صفر دوه قطعې څخه کلید ته په راستول شوې خبرپاڼه کې لیکل شوي چې ځواکونو یې تېره شپه د ننګرهار ولایت د اچین ولسوالۍ په شنه لګړه سیمه کې ځانګړي شپني عملیات ترسره کړي.
خبرپاڼه زیاتوي، د دغو عملیاتو پر مهال د داعش ډلې غړی حضرت علي مشهور په «ابو سعید اعظم» نیول شوی.
د خبرپانې په وینا، نیول شوي کس پر کابل پوهنتون د ډلهییز برید طرحه کولو ترڅنګ د داعش ډلې مشرانو سره په عراق، سوریه او بلجیم هیوادونو کې هم اړیکې درلودې.
داعش ډلې تراوسه په دې اړه رسنیو ته څه نه دي ویلي.
