له ارګ څخه په خپره شوې خبرپاڼه کې راغلي چې جمهور رییس غني د دوشنبې ورځ مازیګر په ارګ د ملګرو ملتونو له ځانګړې استازې دیبورا لاینس سره لیدلي او پر افغان سولې یې تفصیلي خبرې کړې دي.
خبرپاڼه زیاتوي چې په دغه لیدنه کې دواړو لوریو د سولې پروسې په اړه مفصل بحث وکړ او جمهوررئیس غني د سولې پروسې د بریاليتوب په اړه د افغانستان حکومت لیدلوری او عملي پلانونه تشریح کړل.
په همدې حال کې ارګ د جمهور رییس غني او د مشرانو جرګې مشر فضل هادي مسلمیار د لیدنې خبر هم ورکوي.
په دغه کتنه کې چې په ارګ کې وشوه، د هېواد د سیاسي او امنیتي وضعیت په اړه د بحث پر مهال د حکومت او ملي شورا ترمنځ د اړیکو او همکاریو پر لازیاتې پیاوړتیا ټینګار وشو.
کلید ګروپ په ټویټر او فیسبوک کې وګورئ
