فرشته کوهستاني مدني فعاله وه چې د ۱۳۹۹ یم کال د مرغومي میاشتې پر څلورمه نېټه په کاپیسا ولایت کې ترور شوه.
د جمهور رییس لومړي مرستیال امرالله صالح پر خپله فېسبوک پاڼه لیکلي چې د هغې قاتلین له پېښور څخه تر راستنېدو وروسته د ملي امنیت ځواکونو د عملیاتو پر مهال نیول شوي دي.
هغه زیاتوي، دغه کسان د طالبانو غړي دي، چې د فرشتې کوهستاني تر وژلو وروسته پېښور ته تللي وو او هلته یې په مادي مکافاتو هرکلی شوی و.
د یادولو وړ ده چې په دې وروستیو کې د ترور او هدفي وژنو پېښې ډېرې شوې او هېوادوال یې له امنیتي ادارو د مخنیوي غوښتنه کوي.
